ملحوظة: هذا ال post هو رد على post اخر كتبه صديقي الموهوب كريم حلمي في منتداه. سيطرت على أفكار كريم مؤخرا بالنسبة للكتابة فكرة الحوارات, فـاصبح يحدث كل شيء وكل مكان وكل حيوان, بشكل مضحك ذا معنى , بحيث تجد نفسك في حيرة بين الضحك على خفة ظله, أو البكاء لما تعرضه كتاباته من مشاكل يختنق بها المواطن المصري, أو بمعنى أصح, مواطن القاهرة بوجه خاص. ومن هنا أتى إسم المنتدى "هنا القاهرة".
كثيرا ما أقرأ في كتاباته فكرة كنت انوي في بالي الكتابة عنها, ولكنه كالعادة يسبقني إليها. كان هذا يصيبني بالإحباط والغيظ في نفس الوقت … فـقررت ألا امنع كريم من ان يسلبني حق الكتابة في أي فكرة … قررت ان أتمرد عليه وعلى كتاباته بأن أكتب في نفس الموضوع كلما أردت …قد أرد عليه في أوقات, وقد أكتب ببساطة على نفس اللسان … ولكن الشيء الأكيد هو أنني له بالمرصاد في كل فكرة يسلبني اياها, ومرحبا به في الأفكار التي ساكتب عنها فـتستفزه للكتابة أيضًا ... فـكثيرا ماتأتي الفكرة لأكثر من شخص , ولن يسبقني كريم اليها دائما.
آخر المواضيع التي تكلم عنها هي خروف العيد … ولكن بشكل اعمق من المعتاد … اسم ال post لديه هو "حوار مع خروف" ....
http://kareemhelmee.blogspot.com/2010/11/blog-post.html
... ولكن لكي يكتمل ال"حوار" يجب ان يكون هناك رد من هذا الخروف المسكين الذي هاجمه كريم وسلبه حق الرد ... فـهـا هو الخروف يجيب …
كثيرا ما أقرأ في كتاباته فكرة كنت انوي في بالي الكتابة عنها, ولكنه كالعادة يسبقني إليها. كان هذا يصيبني بالإحباط والغيظ في نفس الوقت … فـقررت ألا امنع كريم من ان يسلبني حق الكتابة في أي فكرة … قررت ان أتمرد عليه وعلى كتاباته بأن أكتب في نفس الموضوع كلما أردت …قد أرد عليه في أوقات, وقد أكتب ببساطة على نفس اللسان … ولكن الشيء الأكيد هو أنني له بالمرصاد في كل فكرة يسلبني اياها, ومرحبا به في الأفكار التي ساكتب عنها فـتستفزه للكتابة أيضًا ... فـكثيرا ماتأتي الفكرة لأكثر من شخص , ولن يسبقني كريم اليها دائما.
آخر المواضيع التي تكلم عنها هي خروف العيد … ولكن بشكل اعمق من المعتاد … اسم ال post لديه هو "حوار مع خروف" ....
http://kareemhelmee.blogspot.com/2010/11/blog-post.html
... ولكن لكي يكتمل ال"حوار" يجب ان يكون هناك رد من هذا الخروف المسكين الذي هاجمه كريم وسلبه حق الرد ... فـهـا هو الخروف يجيب …
ويا أنا يا إنت يا كريم ...
الخروف يجيب ...
رد الخروف وقال مين بينادي عليا؟
قالوله الناس اللي بتنادي من سنين هي هيه!
قالوله الناس اللي بتنادي من سنين هي هيه!
ضحك وقال: تاني نفس الكلاب؟ دول كانوا زمان بيهم بيخوفوني
دلوقتي عندي كتير احباب, والكلاب ولا بقوا يهزوني
اتعدل في قعدته, وهرش في فروته ,
وحط على وشه تعبير الخروف,
الحكيم طبعا, المعروف!
الحكيم طبعا, المعروف!
وقال ...
كان زمان الكلب من دول, كلب حراسة ,تسمع صوته بس, تطير,
النهاردة كلب ولا يسوى, و الكلاب تعوي والقافلة تسير!
ده أنا الخروف والأجر على الله! ولا يفرق معايا حد,
صدقتوا إن هوهاوتكم بيتسمعلها بجد؟
وبعدين ما أنا عارف اللي فيها, كنتم لقيتوا يعني غيري وقلتوا لأ عايزينه؟
يابني الناس مهما اشترت غصب عنها البلدي, برده عايزين الفينو!
وتقولي رافع اسعاري, طب ماأكيد لازم ارفع,
ماهو أنا أصْلي من غير برسيم اخس … وكفى الله الشر .. ارفع!
وتقولي الطماطم ب 12 جنيه!
عايزني يعني أعمل إيه؟
ماهي بصراحة طول ما هي كده حمرا ولقطة,
إن ماكلهاش الخروف,هتيجي من بعده وتاكلها القطة!
متضايقين قوي إني بعمل كل ده وانا مجرد خروف؟
أما صحيح بهايم! كل ده ومش شايفين الحل المعروف؟
فالح بس تقعد تتكلم عن البلاعة,
ما وركش غيرها بقالك ساعة!
البلاعة مفتوحة, البلاعة مقفولة,
ركز بس شوية عشان تفهم الفولة!
طول ما أنا مطاطي لخرفان الدور اللي فوقينا,
اللي خيرهم مغرقنا وبرسيمهم دايما علينا,
هافضل انعر زي مايعجبني,
والشاطر فيكم يورينا!
ميهمنيش غير البرسيم, برسييييم … عايز برسيم أكتر,
إديني إنت بس برسيم وانا ارقصلك لو عايز واتمخطر!
برسيييييم, عايز برسيييم, مبقتش عارف طعم الشبع,
برسييييم, بقت عندي مستديمة حالة الفجع!
....
ميل عليه ووشوشه خروف من بتوع الدور اللي فوق,
كان حاضر الحوار, وساكت بس من باب الذوق
ميل عليه ووشوشه خروف من بتوع الدور اللي فوق,
كان حاضر الحوار, وساكت بس من باب الذوق
هز الخروف قرونه الملولوة,
وبص بثقة سيادة اللواء,
وقال …
إيه؟ بيغذوني دلوقتي عشان ياكلوني بعدين؟
طب وهتاكلوني إزّاي يا فالحين؟
يدبحوني؟ ... هاهاها, حلوة دي صحيح!
عايزالها رد بكلام ابيح!
مين ده اللي يقدر يدبحني؟ ولا حتى يقدر يقربلي؟
طب ده أنا حتى على مر السنين مليت باعدائي اصطبلي!
هتقولي إزّي وانا طلعت ولا نزلت خروف؟
اقولك لااااا, ماهو ده سر المهنة, مش معروف!
بص يا سيدي هقولك, أنا قاعد في مكاني ومجعوص,
ومن سنين, اللي يضايقني بياخد بالخوص!
من غير ما أنا أحرك رجل من رجليا,
بيجيلي لحد عندي منحوس, مدهوس,
ممسوح بيه الأرض ,ومكنوس
بيجيلي لحد عندي منحوس, مدهوس,
ممسوح بيه الأرض ,ومكنوس
وأقوله إنت بقى اللي عامل لي فيها فلحوس؟
اديك جيت وقفت قدامي ...يا مفقوس!
اديك جيت وقفت قدامي ...يا مفقوس!
...
تقولي مين اللي بيجبهولك؟ إزاي مطمن مش هيجيلك يوم وتتدبح؟
اقولك يا عم ركز بقى, و خلينا نصطبح!
تقولي مين اللي بيجبهولك؟ إزاي مطمن مش هيجيلك يوم وتتدبح؟
اقولك يا عم ركز بقى, و خلينا نصطبح!
ما أنا أكيد مش لوحدي, أكيد ورايا خرفان تانيين,
أنا الكبير آه, لكن تحتي كتير ناشئين,
مش ممكن يسيبوني اتدبح,
طب وهم ياكلوا من مين؟
وبعدين أنا لو جالي يوم واتدبحت, هيبقى علينا كلنا العين,
ومش بس أنا اللي هتجاب, ده هيتجاب كتير في الرجلين!
سيبك من التعليم والأخلاق والكلام اللي لا يجيب ولا يودي,
سيبك من اللي مفهمش عندي أنا كمان قصدي,
يا أرض انهدي, ماعليكي قدي!
ظلمني اللي سماني خروف العيد … أنا, بلا فخر, خروف كل زمان,
عيد إيه ده اللي يكفيني؟ ده أنا عايزلي على العصر عصرين كمان!
عيد إيه ده اللي يكفيني؟ ده أنا عايزلي على العصر عصرين كمان!
I love this Aly.. Very well-put as a political piece! :)
ردحذفa7la 7aga sooret el kharoof ely fel awel deeh :D
ردحذفAly i like this post as well as ur friends' post keep it up w 5af 3ala nafsak shewaya :D
ردحذفRaghda, Thanksssss ... always a pleasure to know what u think!
ردحذفAlaa, i see u've learned and started using "Alaa Salama" instead of "louly" :D I'm glad u liked sooret el 5aroof the most, but i am not surprised :P
Rana, rabbena yostor 3aleina wallahi :D I'm very glad u liked it!